0
Kuba poytaxtidagi mehmonxonada kuchli portlash yuz berdi
Oqibatda 8 kishi halok bo‘lgani aytilmoqda.
Kuba poytaxti Gavanadagi “Saratoga” mehmonxonasida kuchli portlash sodir bo‘ldi. Bu haqda “Fokus” nashri xabar berdi.
Qayd etilishicha, voqea erta tongda yuz bergan. Binoning ikki qavati butunlay vayron bo‘lgan. Shuningdek, yaqin atrofdagi inshoot va ko‘chalarga ham zarar yetgan.
Qurbonlar haqida hozircha rasmiy ma’lumot yo‘q. Guvohlar hodisa oqibatida 8 kishi halok bo‘lganini aytishmoqda.
Ma’lumot uchun: “Saratoga” mehmonxonasi 1880-yilda qurilgan Kubadagi eng hashamatli tarixiy yodgorlik hisoblanadi. Unga Rihanna, Madonna va Barak Obama kabi taniqli shaxslar tashrif buyurgan. Mehmonxona 96 ta xona, 3 ta bar, ikkita restoran, basseyn va biznes markazidan iborat.
