Tramp Meksikaga raketa zarbalari berishni ko‘rib chiqqan — NYT
Bu haqda AQSH sobiq mudofaa vaziri maʼlum qildi.
AQSH sobiq prezidenti Donald Tramp Meksikadagi narkolaboratoriyalarga aniq raketa zarbalari berish variantini ko‘rib chiqqan. Bu haqda AQSH sobiq mudofaa vaziri Mark Esperning xotiralariga asoslanib The New York Times xabar berdi.
Pentagon sobiq rahbari so‘zlariga ko‘ra, Tramp harbiylardan Meksikadagi narkomarkazlarga zarba berish va shu orqali giyohvand moddalar yetishtirishni to‘xtatish imkoniyati to‘g‘risida harbiylardan so‘ragan.
Esperning qo‘shimcha qilishicha, sobiq prezident “ularning davlat ustidan nazorati yo‘q, biz bir necha Patriot raketalarini uchirishimiz mumkin va astagina ularning laboratoriyalarini yo‘q qila olamiz. Hech kim buni biz qilganimizni bilmaydi”, – degan.
Avvalroq Tramp Baydenni zaiflikda ayblagandi.
