Toshkentda SHHTning yana bir yirik forumi bo‘lib o‘tadi
Forum 11-12-may kunlari o’tkazilishi rejalashtirilgan.
Joriy yilning 11-12-may kunlari Toshkentda “Xalq diplomatiyasi – taraqqiyot yoʻlida oʻzaro hamjihatlik” shiori ostida Shanxay hamkorlik tashkilotiga aʼzo davlatlarning Xalq diplomatiyasi forumi boʻlib oʻtadi. Bu haqda Tashqi ishlar vazirligi rasmiy vakili
Tadbir Oʻzbekistonning ShHTga raisligi tashabbusida oʻtkazilmoqda.
Forumda ShHTga aʼzo davlatlar parlamentlari, xalqaro tuzilmalar, nodavlat notijorat tashkilotlari, shuningdek, ilmiy-tahlil markazlari vakillaridan iborat 120 dan ortiq ishtirokchi qatnashishi ko’zda tutilgan.
Yalpi majlis ikki yoʻnalishda o’tkazilib, ishtirokchilar unda – “Xalqaro hamkorlikda xalq diplomatiyasining oʻrni” va “Xalq diplomatiyasi – zamonaviy davlatlararo muloqotning muhim elementi: SHHTga aʼzo davlatlarning tajribasi” mavzularida “SHHT oilasi” mamlakatlari oʻrtasidagi koʻp qirrali aloqalarni mustahkamlashni maqsad qilgan holda xalq diplomatiyasi vositalaridan samarali foydalanish yoʻllarini muhokama qiladilar.
Forum yakunlari boʻyicha ShHT xalq diplomatiyasining Toshkent kommyunikesini qabul qilish rejalashtirilgan.
