“Yevrovideniye–2022” yarim finali rekord darajada ko‘p tomoshabin yig‘di
Seshanba kuni Italiyaning Turin shahridagi “Palaolimpico” arenasida xalqaro qo‘shiq tanlovining rasmiy ochilish marosimi bo‘lib o‘tdi.
Kecha, 10 may kuni qo‘shiq tanlovining birinchi yarim finalini RAI kanalida 5 milliondan ortiq tomoshabin tomosha qildi. Bu Italiya televideniyesining umumiy auditoriyasining 27 foizini tashkil qiladi.
Bu hech qachon Italiya jamoat televideniyesida Yevrovideniye tanlovlarida ko‘rilmagan natijadir.
Ukrainaning “Kalush Band” guruhi “Stefania” qo‘shig‘i bilan finalga chiqdi. Finalchilar o‘ntaligiga Fransiya, Germaniya, Ispaniya, Buyuk Britaniya va Italiyaning ijodiy jamoalari va san’atkorlari ham kirdi. Hammasi bo‘lib, birinchi yarim finalda tomoshabinlar 16 ta kompozisiyani ko‘rishdi.
