Rim—Moskva munosabatlari jiddiy tanazzulga yuz tutdi
Rossiya 24 nafar italiyalik diplomatlarni mamlakatdan chiqarib yubormoqda.
Rossiya Italiyaning Moskvadagi elchixonasining 24 nafar xodimini mamlakatdan chiqarib yubormoqda. Bu haqda “TASS” agentligi Rossiya TIV xabariga tayanib ma’lum qildi.
Rossiyaning Italiyadagi elchisining aytishicha, Rim va Moskva o‘rtasidagi munosabatlar jiddiy tanazzulga yuz tutgan. Italiyaning Moskvadagi elchisi Rossiya Tashqi ishlar vazirligiga chaqirilib, bu haqda ogohlantirilgan.
Avvalroq Rossiya Fransiyaning mamlakatdagi diplomatik muassasalarining 34 nafar xodimini “persona non grata” deb e’lon qilgani ma’lum bo‘lgan edi.
