O‘zbekistonda 2029 ta maktabga zamonaviy kompyuter yetkazib berish boshlandi
«Bir million dasturchi» loyihasi doirasida maktablarga zamonaviy kompyuterlar karvoni yo‘l oldi
XTV xabar berishicha, Prezident Shavkat Mirziyoyevning 2021 yil 10 sentyabr kuni kengaytirilgan tarzda o‘tkazilgan videoselektor yig‘ilishida umumtaʼlim maktablarini zamonaviy kompyuter sinflari bilan jihozlash topshirig‘i berilgan edi.
Ushbu topshiriqqa muvofiq Respublika bo‘yicha 2029 ta maktablarni zamonaviy kompyuter texnikasi bilan taʼminlash vazifasi belgilandi.
Bugungi kunda Xalq taʼlimi vazirligi tomonidan respublika byudjetidan 1 014 ta zamonaviy kompyuter sinflari xarid qilindi va viloyatlardagi umumtaʼlim maktablariga kompyuter texnikalari ortilgan karvonda bosqichma-bosqich yetkazib berilmoqda.
