BMT oziq-ovqat yetishmovchiligining asosiy sababini maʼlum qildi
Shuningdek, ushbu inqirozga Ukrainadagi vaziyatning taʼsiri haqida maʼlumot berilgan.
Nizolar dunyodagi ochlikning eng asosiy sababi bo‘lib qolmoqda. Bu haqda BMT oziq-ovqat va qishloq xo‘jalik tashkiloti bosh direktori Syuy Dunyuy maʼlum qildi.
"2018-2021 yillar oralig‘ida dunyodagi inqirozli davlatlardagi oziq-ovqat mahsulotlari yetishmovchiligida asosiy sabab qurolli to‘qnashuvlar bo‘lgan. Ushbu davlatlarda ochlikdan aziyat chekayotganlar 88 foizga ko‘paydi hamda ularning soni 139 million kishini tashkil etmoqda", — degan u.
Dunyuyning qo‘shimcha qilishicha, qishloq xo‘jaligi tinchlik va xavfsizlikning asosiy kalitlaridan biri hisoblanadi. u dunyo hamjamiyatini agrosanoat tizimini qayta tashkil etishga chaqirgan.
Oziq-ovqat va qishloq xo‘jalik tashkiloti maʼlumotlariga ko‘ra, Ukrainadagi harbiy mojaro oziq-ovqat mahsulotlari eksporti, logistikasi va ommabopligiga taʼsir ko‘rsatdi. Shu bilan birga energetika resurslari va mineral o‘g‘itlarning narxi ko‘tarilishi qishloq xo‘jaligi hosildorligining pasayishiga sabab bo‘ladi.
Avvalroq global miqyosda oziq-ovqat tovarlari narxi ko‘tarilayotgani to‘g‘risida xabar berilgandi.
