Eng ko‘p daromad ko‘rgan OTMlar ochiqlandi
62 ta davlat oliy taʼlim muassasalarining 2021 yil yakuniga ko‘ra daromadlari to‘g‘risidagi maʼlumotlarni tahlil qilindi.
O‘zbekiston Respublikasi Prezidentining 2021 yil 16 iyundagi PF-6247-son Farmoniga muvofiq, davlat oliy taʼlim muassasalarining daromadlari va xarajatlari to‘g‘risidagi maʼlumotlar Oliy va o‘rta maxsus taʼlim vazirligi tomonidan belgilangan resurslarda joylanib, doimiy yangilanib borilishi belgilangan.
Shunga ko‘ra, vazirlikning axboroti asosida respublikadagi 62 ta davlat oliy taʼlim muassasalarining 2021 yil yakuniga ko‘ra daromadlari va xarajatlari to‘g‘risidagi maʼlumotlar tahlil qilindi.
Natijalar ko‘rsatishicha, respublika kesimida eng ko‘p daromadlar Nizomiy nomidagi Toshkent davlat pedagogika universiteti (qariyb 400 mlrd so‘m), Namangan davlat universiteti (320 mlrd so‘m) va Mirzo Ulug‘bek nomidagi O‘zbekiston Milliy universiteti tomonidan (315 mlrd so‘m) shakllantirilgan.
