AQSHdagi cherkovda otishma bo‘ldi, qurbonlar bor
Gumonlanuvchi qo‘lga olingan.
Voqea payshanba kuni kechqurun Alabama shtatidagi Jefferson va Shelbi okruglarida joylashgan Vestaviya tepaligidagi Avliyo Stiven yepiskop cherkovida yuz berdi.
Yakka gumonlanuvchi cherkov yig‘ilishiga kirib, o‘t ochgan. Uch kishi o‘qdan jarohat olgan, ulardan ikki nafari vafot etgan, uchinchisi shifoxonada davolanmoqda.
Otishma sodir etganlikda gumon qilinayotgan shaxs qo‘lga olingan. Hozirda olib borilayotgan tergov doirasida jinoyatchining sabablari oshkor etilmagan.
Eslatib o‘tamiz, iyun oyi boshida Viskonsin shtatining Rasin shahridagi Greyslend qabristonida dafn marosimi chog‘ida qurollangan kishi motam yig‘uvchilarga qarata o‘q uzdi, ikki kishini yaraladi.
