Dunyoda qo‘yish taqiqlangan ismlar ro‘yxati ochiqlandi

 

Unda ushbu ismlarning qanday sabablarga ko‘ra taqiqlangani ham aytilgan. 

 

Qayd etilishicha, quyida keltiriladigan ismlar bir hudud uchungina tegishli hisoblanadi.

 

Meksika, Sonora shtati: Facebook

Ismning maʼnosi: ijtimoiy tarmoq.

Taqiqlanish sababi: Meksikaning ushbu shtatida «mantiqqa to‘g‘ri kelmaydigan» ismlar qo‘yish taqiqlangan.

 

Meksika, Sonora: Garri Potter

Ismning maʼnosi: romanlardagi xayoliy sehrgar bilan bog‘liq.

Taqiqlanish sababi: ism bolani masxara qilinishiga sabab bo‘lishi mumkin.

 

Avstraliya: Ikea

Ismning maʼnosi: Shvetsiya mebel supermarketlari tarmog‘i.

Taqiqlanish sababi: bola ismiga mos kelmaydi.

 

Avstraliya: iMac

Ismning maʼnosi: Apple tomonidan ishlab chiqarilgan stol kompyuteri.

Taqiqlanish sababi: bu shaxsning ismi emas, balki buyum.

 

Argentina: Messi

Ismning maʼnosi: afsonaviy futbolchi Lionel Messining familiyasi.

Taqiqlanish sababi: familiyalarni ism sifatida ishlatish mumkin emas.

 

Saudiya Arabistoni: Linda

Ismning maʼnosi: yumshoq, muloyim, chiroyli.

Taqiqlanish sababi: xorijiy.

 

Saudiya Arabistoni: Amir

Ismning maʼnosi: knyaz.

Taqiqlanish sababi: saudiyaliklar farzandlariga qirollik oilasiga tegishli ismlarni qo‘ymasligi kerak.

 

Saudiya Arabistoni: Malek

Ismning maʼnosi: shoh.

Taqiqlanish sababi: bu ism faqat qirollik oilasi aʼzolari uchun mo‘ljallangan.

 

Buyuk Britaniya: Sianid

Ismning maʼnosi: halokatli zahar.

Taqiqlanish sababi: Ism kelajakda bolaga zarar yetkazishi mumkin.

 

Germaniya: Usama bin Laden

Ismning maʼnosi: “Al-Qoida” sobiq rahbarining ismi.

Taqiqlanish sababi: haqoratomuz.

 

Yaponiya: Akuma

Ismning maʼnosi: shayton.

Taqiqlanish sababi: bolani masxara qilishdan himoya qilish.

 

Germaniya, Malayziya, Meksika va Yangi Zelandiya: Adolf Gitler.

Ismning maʼnosi: fashistlar Germaniyasi rahbarining ismi.

Taqiqlanish sababi: haqoratomuz.