O‘zbekistonda yashash va ovqatlanish: qaysi hududda qancha xizmat ko‘rsatildi?
2026-yilning dastlabki sakkiz oyida yashash va ovqatlanish xizmatlari hajmi o‘tgan yilning mos davriga nisbatan 14,4 foizga o‘sdi.
O‘zbekistonda 2026-yilning yanvar–avgust oylarida yashash va ovqatlanish xizmatlari hajmi 173,2 trln so‘mni tashkil etdi. Bu haqda Milliy statistika qo‘mitasi ma’lum qildi.
Qayd etilishicha, ushbu ko‘rsatkich 2025-yilning mos davriga nisbatan 14,4 foizga oshgan.
Hududlar kesimida eng katta hajm Toshkent shahrida qayd etilgan — 29,8 trln so‘m. Keyingi o‘rinlarda Samarqand viloyati 20,5 trln so‘m, Namangan viloyati 18,2 trln so‘m va Farg‘ona viloyati 16,8 trln so‘m bilan qayd etilgan.
Shuningdek, Qashqadaryo viloyatida 15 trln so‘m, Toshkent viloyatida 12,6 trln so‘m, Andijon viloyatida 11,5 trln so‘m, Xorazm viloyatida 9,6 trln so‘m hamda Qoraqalpog‘iston Respublikasida 9,1 trln so‘mlik yashash va ovqatlanish xizmatlari ko‘rsatilgan.
Buxoro viloyatida bu ko‘rsatkich 8,8 trln so‘mni, Surxondaryo viloyatida 7,3 trln so‘mni, Navoiy viloyatida 5,6 trln so‘mni, Jizzax viloyatida 5 trln so‘mni, Sirdaryo viloyatida esa 3,4 trln so‘mni tashkil etgan.
