Mango Rossiyadagi barcha do‘konlarini sotadi
Mulk huquqini topshirish jarayoni yaqin oylarda amalga oshiriladi.
Ispaniyaning Mango brendi Rossiya bozorini tark etadi va o‘zining franchayzing modelida ishlaydigan do‘konlarini sotadi. Bu haqda El País va La Vanguardia kompaniyadagi manbalarga tayanib хаbar berdi.
Kompaniya Rossiyada 800 xodim ishlaydigan 55 do‘konga egalik qiladi. Bir nechta mahalliy hamkorlar bilan savdo shartnomalari tuzilgan. Mulk huquqini topshirish jarayoni yaqin oylarda amalga oshiriladi.
Birinchi ikkita Mango do‘koni keyingi haftada franchayzi egalariga topshiriladi, iyul oyining oxiriga qadar yana 22 do‘kon o‘z xodimlari va mamlakatdagi hamkorlar uchun eng yaxshi variantni izlaydi. Franchayzing modeliga ko‘ra, hozirda Rossiyada 53 ta Mango do‘koni faoliyat yuritmoqda.
Kelishuv natijasida Mango Rossiyaga mustaqil ravishda mahsulot yetkazib berishni to‘xtatadi. Xaridlarni Rossiyaga tovarlarni tashish yo‘lida logistika bilan taʼminlaydigan franchayzilar amalga oshiradi.
Mango hamkorlari ham kompaniya xodimlari va yetkazib beruvchilariga «sodiq qoladi». Kompaniya Internet orqali to‘g‘ridan-to‘g‘ri savdolarni amalga oshirmaydi, bu amaliyot Rossiyada mart oyi boshidan to‘xtatilgan.
