Zelenskiy: Moskva Ukraina bilan cheklanib qolmaydi
Ukraina yetakchisi NATO sammitida nutq so‘zladi.
Vladimir Zelenskiy NATOning Madriddagi sammitida chiqish qildi. Bu haqda BBC xabar berdi.
Uning nutqi asosan joriy harbiy-siyosiy vaziyatga bag‘ishlangan. Zelenskiyning so‘zlariga ko‘ra, Ukrainaga harbiy xarajatlar uchun oyiga besh milliard dollar zarur.
“Ukraina mag‘lub bo‘lgan taqdirda Moskva to‘xtab qolmaydi. Uning maqsadlari aniq. Rossiya rahbariyati dunyoni boshqacha nigoh bilan ko‘radi. masalan, ular Litvaga NATO aʼzosi sifatida emas, Sovet Ittifoqining bir qismi sifatida qaraydi. Savol shundan iborat: keyingisi kim? Moldova? Boltiqbo‘yi davlatlari? Polsha? Javobim — ularning barchasi”, – degan prezident.
Ukraina yetakchisi NATOdan Kiyev uchun umumiy xavfsizlik maydonida joy ajratishni so‘ragan, aks holda alyansni “Rossiya bilan to‘qnashuv kutadi”.
