Italiyada so‘nggi 70 yildagi eng og‘ir qurg‘oqchilik kuzatilmoqda
Mamlakatdagi eng katta Po daryosi suvi kamayib bormoqda.
Suv yetishmasligi dehqonlarning hosilini buzmoqda. Bir necha oy oldin yashil qirg‘oq bo‘ylab oqadigan daryolarning o‘zani cho‘lga o‘xshab qolgan.
Italiya shimolidagi qurg‘oqchilik so‘nggi 70 yildagi eng og‘iri sifatida baholanmoqda.
Bunga bahor va yozda yog‘ingarchilikning kam yog‘ishi, qishda qorning kam yog‘ishi, yozda havo haroratining sezilarli darajada ko‘tarilishi sabab bo‘lgan.
Iyul oyi boshida Italiya shimolidagi beshta hududda qurg‘oqchilik tufayli favqulodda holat eʼlon qilingan edi. O‘nlab munitsipalitetlarda suv taʼminoti rejimi joriy etilgan.
Po daryosi vodiysidagi fermerlarning aytishicha, daryoning bir qismi qurib qolgan, boshqa qismlarida esa dengizning sho‘r suvi aralashib, ekinlarga zarar yetkazmoqda.
Po daryosi janubi-g‘arbiy Alp tog‘laridan boshlanadi Adriatika dengiziga quyiladi. Daryo uzunligi 650 kilometr atrofida.
Mamlakat qishloq xo‘jaligining deyarli uchdan bir qismi ushbu daryo bilan bog‘liq.
