Xotin-qizlarga taʼlim tashkilotlarida o‘qish uchun imtiyozli kreditlar beriladi
Kreditning asosiy qismi talabaning rasmiy o‘qish muddati tugagandan so‘ng yettinchi oydan boshlab 7 yil davomida qaytariladi.
Tijorat banklari tomonidan xotin-qizlarning respublikadagi barcha xususiy, xorijiy, davlat oliy, o‘rta maxsus va kasb-hunar taʼlim muassasalarida kunduzgi, sirtqi va kechki taʼlim shakllarida to‘lov-kontrakt asosida taʼlim olishlari uchun 14 foizli kreditlar ajratilishi qayd etilmoqda.
Taʼlim kreditining asosiy qismi talabaning rasmiy o‘qish muddati tugagandan so‘ng yettinchi oydan boshlab 7 yil davomida qaytariladi.
Taʼlim kreditlari bo‘yicha foiz stavkalarini qaytarish Moliya vazirligi huzuridagi Taʼlim kreditlarini moliyalashtirish jamg‘armasi mablag‘lari hisobidan amalga oshiriladi.
Xususan, taʼlim kreditini rasmiylashtirishda va uning qaytarilishida talabaning doimiy daromad manbaiga ega bo‘lgan oila aʼzolari va boshqa uchinchi shaxs birgalikda qarz oluvchi sifatida qatnashishiga ruxsat etiladi.
“Ijtimoiy himoya yagona reyestri”ga kirgan oilalarning xotin-qizlariga ajratiladigan taʼlim kreditlari uchun garov va kafilliklar talab etilmaydi.
