Bugundan professional taʼlim muassasalariga o‘qishni ko‘chirish boshlandi
Arizalar 20 iyuldan 10 avgustga qadar qabul qilinadi.
Kasb-hunar maktablari, kollej va texnikumlarda (Adliya vazirligining yuridik texnikumlaridan tashqari) o‘qishni ko‘chirish yuzasidan arizalar 20 iyuldan 10 avgustga qadar qabul qilinadi.
O‘qishini ko‘chirish istagida bo‘lganlar taʼlim muassasasida tashkil etilgan Ishchi guruhga quyidagilardan iborat hujjatlar yig‘ma jildini taqdim etadi:
● Ariza (o‘quvchi yoki voyaga yetmagan bo‘lsa uning ota-onasi tomonidan);
● professional taʼlim muassasasi tomonidan berilgan akademik maʼlumotnoma;
● o‘quvchining kursdan kursga o‘tganligi to‘g‘risidagi buyruqdan ko‘chirma;
● o‘quvchining pasport yoki tug‘ilganlik to‘g‘risidagi guvohnomasi hamda ota-onasi (yoki ularning o‘rnini bosuvchi shaxslar)ning doimiy yashash joyi ko‘rsatilgan pasporti nusxasi.
