Niderlandiyada fermerlar norozilik sifatida magistralni to‘sib qo‘ydi
Ular adolatsiz hujumga uchraganliklarini daʼvo qilmoqda.
Niderlandiyada hukumatning qishloq xo‘jaligiga mo‘ljallangan keng maydonlarni yopish rejalariga norozilik sifatida fermerlar chorshanba kuni mamlakat bo‘ylab magistral yo‘llarga go‘ng, pichan, shina va boshqa chiqindilarni tashlab ketdi.
Fermerlarning noroziliklari Mark Ryutte hukumatining Yevropa Ittifoqining Natura 2000 sxemasida qayd etilganidek, 2030 yilgacha chorvachilik mahsulotlaridan azot emissiyasini ikki baravar kamaytirish bo‘yicha keng qamrovli rejalarini amalga oshirishga urinishiga javobdir.
Rasmiylarning taʼkidlashicha, baʼzi fermer xo‘jaliklari ushbu maqsadlarga erishish uchun chiqindilarni 95 foizga qisqartirishi kerak va global oziq-ovqat inqirozi rivojlanayotganiga qaramay, mamlakat qishloq xo‘jaligi yerlarining 30 foizi butunlay yopilishi kerak. Gollandiya hukumati bundan boshqa yo‘l yo‘qligini aytmoqda.
Shunday qilib, fermerlar adolatsiz hujumga uchraganliklarini daʼvo qilmoqda. Chunki boshqa Yevropa Ittifoqiga aʼzo davlatlar Bryusselning ekologik kun tartibini amalga oshirishga urinishda u qadar tajovuzkor bo‘lmagan.
