Yetakchi ekspertlar afg‘on aktivlari bo‘yicha Baydenga xat yozdi
Ular muzlatib qo‘yilgan mablag‘larni qaytarishga chaqirgan.
Dunyoning 72 nafar iqtisodchisi va ekspertlari AQSHdan muzlatib qo‘yilgan afg‘on aktivlarining qaytarishni so‘radi. Bu haqda Reuters agentligi xabar berdi.
Ular orasida Nobel mukofoti sovrindori Jozef Stiglis, Gretsiyaning sobiq moliya vaziri Yanis Varufakis, shuningdek, AQSH, Buyuk Britaniya, Germaniya va hindistonlik ekspertlar bor. Iqtisodilar Jozef Bayden va Qo‘shma Shtatlar moliya vaziri Janet Yellen nomiga ochiq xat yo‘llagan.
Unda qayd etilishicha, Amerikaning bu qadamlari afg‘on xalqining og‘ir ahvolini yana-da qiyinlashtirgan. Ekspertlar xalq toliblar hukumatini tanlamaganini, oltin-valyuta zaxiralarisiz esa Markaziy bank iqtisodiyotni qo‘llab-quvvatlay olmasligini taʼkidlagan.
Bundan tashqari, qaytarilgan aktivlar gumanitar inqirozning oldini olishi va iqtisodiyotni tiklashga yordam berishi aytilgan.
Maʼlumot o‘rnida: “Tolibon” 2021 yilda Afg‘onistondagi markaziy hokimiyatni egallagach, AQSH avvalgi hukumat davrida to‘plangan 9 milliard dollarlik zaxiralarni muzlatib qo‘ydi. Jahon hamjamiyati Vashingtonni ushbu mablag‘larni qaytarishga chaqirib kelmoqda. Xususan, o‘tgan oyda Toshkentda bo‘lib o‘tgan “Afg‘oniston: xavfsizlik va iqtisodiy taraqqiyot” xalqaro konferensiyasida bu masala alohida qayd etildi.
Avvalroq toliblar davrida Afg‘onistonda ISHID teraktlari soni kamaygani haqida xabar berilgandi.
