Turkiya Isroil bilan munosabatlarini tiklamoqda
Yaqin kelajakda tomonlar hamkorlik yuzasidan yig‘ilish o‘tkazadi.
Bir necha yillik munosabatlardagi keskinlikdan so‘ng Turkiya bilan Isroil elchi va bosh konsullarini qaytarib, diplomatik aloqalarni to‘liq tiklaydi. Bu haqda ikki mamlakat rasmiylari ma’lum qildi.
“Turkiya bilan munosabatlarning tiklanishi mintaqaviy barqarorlikka muhim hissa qo‘shadi va Isroil fuqarolari uchun o‘ta muhim iqtisodiy boylikdir”, — deya ma’lumot bergan Isroil Bosh vaziri.
Turkiya tashqi ishlar vaziri ikki davlat “munosabatlarni normallashtirish” maqsadida elchi almashishga kelishib olganini tasdiqladi. Biroq Anqara falastinliklarni qo‘llab-quvvatlashda davom etadi.
Yaqin kelajakda tomonlar iqtisodiy hamkorlikka bag‘ishlangan uchrashuv o‘tkazadi.
