Respublikada taʼlim darajasi eng yomon hudud maʼlum bo‘ldi
Bu yilgi test sinovlarida 51,2 foiz abituriyent 56,7 ball ham to‘play olmagan.
DTMning mandat.dtm.uz saytidagi ochiq maʼlumotlarga ko‘ra, joriy yilda 1 mln 73 ming 821 nafar abituriyent testga kirgan.
Ularning 550 ming nafari (51,2%) o‘tish ballining eng quyi chegarasi bo‘lgan 56,7 balni ham to‘play olmagan.
O‘tgan yilgi holat bilan solishtirganda ahvolimiz yana-da og‘irlashgan. O‘tgan yili 36 foiz abituriyentlar 56,7 ball ham to‘play olmagandi, joriy yilda bu ko‘rsatkich 51,2 ni tashkil etdi.
2022 yilda eng yomon ko‘rsatkich, xuddi o‘tgan yilda bo‘lganidek Toshkent viloyatida (55,9%), nisbatan yaxshiroq natija esa xuddi o‘tgan yildagidek Toshkent shahrida (45,2%) qayd etilgan.
9 ta hududda abituriyentlarning 50 foizdan ko‘prog‘i 56,7 balldan past ball olishgan. Faqat 5 tagina hududda bu ko‘rsatkich 50 foizdan kamroqni tashkil qilgan: Toshkent shahri, Buxoro, Farg‘ona, Xorazm va Samarqand viloyatlari.
