Koronavirus sabab 4 mln amerikalik ishsiz qoldi
Kasallik alomatlari ularni mehnatga layoqatsiz qilib qo‘ygan.
Qo‘shma Shtatlarda 2 milliondan 4 milliongacha odam COVID-19 pandemiyasi tufayli ishini yo‘qotdi. Bunga kasallikdan keyingi alomatlar sabab bo‘lgan.
Brukings instituti tadqiqotiga ko‘ra, hozirda mehnatga layoqatli yoshdagi jami 16 million amerikalik (18 yoshdan 65 yoshgacha) virusning uzoq muddatli asoratlaridan aziyat chekmoqda.
Kasallikdan keyin xotira pasayishi, depressiya, charchoqning kuchayishi va nafas olish muammolari kabi alomatlar saqlanib qoladi. Tahlilchilar potensial ishchilarga maoshlar to‘lanmagani sababli AQSH iqtisodiga zararni yiliga 170 milliard dollar deb baholamoqda.
