0
“O‘zbekiston temir yo‘llari” qo‘shimcha qatnovlarni yo‘lga qo‘ydi
“Samarqand–Toshkent–Samarqand” yo‘nalishida “Afrosiyob” poyezdiga 7 ta reys qo‘shildi.
“O‘zbekiston temir yo‘llari” AJ xabariga ko‘ra, kompaniya O‘zbekiston Respublikasining 31 yilligini nishonlash munosabati bilan joriy yilning 29-avgustidan 4-sentabrigacha “Afrosiyob” poyezdining qo‘shimcha qatnovini amalga oshiradi.
Qayd etilishicha, “Samarqand-Toshkent-Samarqand” yo‘nalishida harakatlanuvchi poyezd qatnoviga 1 reysdan qo‘shilib, jami 7 ta reysni tashkil etadi.
Qo‘shimcha maʼlumotni Toshkentdagi 1005 qisqa raqami yoki joylardagi temir yo‘l kassalaridan hamda maʼlumotlar byurosidan olish, shuningdek chiptalarni elektron tarzda havola orqali xarid qilish mumkin.
