OPEK+ yig‘ilishi arafasida neft narxi 2 foizga oshdi
Neft narxi dushanba kuni bir barrel uchun bir dollardan ko‘proqqa ko‘tarildi.
Bu bilan neft OPEK+ yig‘ilishi oldidan o‘sishda davom etdi. Chunki investorlar neft ishlab chiqarishni qisqartirishini va narxlarni bir xil darajada ushlab turishini kutmoqda.
Dushanba kuni Brent fyucherslari juma kuni 0,7 foizga oshganidan keyin 1,88 dollarga yoki 2 foizga oshib, bir barrel uchun 94,90 dollarni tashkil qildi.
AQSHning West Texas Intermediate (WTI) bir barreli 88,60 dollarga sotildi, bu avvalgi sessiyada 0,3 foizga oshganidan keyin 1,73 dollarga yoki 2 foizga qimmatlashdi.
Dushanba kuni AQSH bozorlari Mehnat kuni munosabati bilan yopiladi.
Dushanba kuni bo‘lib o‘tgan yig‘ilishda Neft eksport qiluvchi mamlakatlar tashkiloti (OPEK) va uning ittifoqchilari, yaʼni birgalikda OPEK+ deb ataladi, taʼminot yetishmovchiligiga qaramay, joriy narxlar darajasini qo‘llab-quvvatlash uchun ishlab chiqarishning joriy darajasini saqlab qolish yoki hattoki ishlab chiqarishni qisqartirishga qaror qilishlari kutilmoqda.
CMC Markets bozor tahlilchisi Tina Tang shunday dedi: «OPEK+ Xitoyning ayrim qismlarida cheklovlarning qayta tiklanishi tufayli talabning uzilishi sharoitida neft narxini pasaytirish uchun ishlab chiqarishni yetarlicha qattiq ushlab turishi mumkin.
Dunyoda ikkinchi yirik neft ishlab chiqaruvchi va OPEK+ ning asosiy aʼzosi bo‘lgan rossiya hozirda ishlab chiqarishni qisqartirishni qo‘llab-quvvatlamaydi. Shu sababli, dushanba kuni bo‘lib o‘tadigan yig‘ilishda neft eksportchilari ishlab chiqarishni bir xil darajada ushlab turishi ehtimoli bor, deb xabar qildi yig‘ilish arafadasida Wall Street Journal nomi nomaʼlum manbalarga tayanib.
ANZ (Australia and New Zealand Banking Group) tahlilchilari: «Biz guruh ishlab chiqarishni o‘zgarmasligini kutayotgan bo‘lsak-da, ritorika yuqori bo‘lishi mumkin, chunki u so‘nggi narxlarning pasayishiga to‘sqinlik qiladi».
«Buqa bozori» (bull factor) - bu bozor ishtirokchilarining maʼlum bir vaqtda narxlarni oshirish uchun o‘ynaydigan harakatlarini tavsiflovchi o‘ziga xos atama. Ular aktivning hozir va kelajakda narxi oshishiga ishonishadi va bu ularni kotirovkalarning o‘sishidan daromad olishga harakat qilishga undaydi. «Buqa bozori»dan farqli o‘laroq, «ayiq bozori« mavjud bo‘lib, u aktivlar narxi uzoq vaqt davomida pasayadigan davrni anglatadi.
Joriy yilning mart oyida ko‘p yillik eng yuqori ko‘rsatkichga erishganidan so‘ng, so‘nggi uch oy ichida neft narxi tushib ketdi. Bu pasayish dunyodagi eng yirik neft importchisi bo‘lgan Xitoyning baʼzi qismlarida foiz stavkalarining oshishi va koronavirusga qarshi cheklovlar qo‘rquvi fonida sodir bo‘ldi. Bu omillar, o‘z navbatida, global iqtisodiy o‘sishni sekinlashtirishi va neftga bo‘lgan talabni kamaytirishi mumkin.
Ayni paytda Xitoyning 33 shahri qisman yoki to‘liq lokdaun ostida, chunki Pekin COVID-19 ga nisbatan qatʼiy siyosat yuritadi. Mahalliy ommaviy axborot vositalarining hisob-kitoblariga ko‘ra, karantin choralari 65 milliondan ortiq odamga taʼsir ko‘rsatdi.
Shu bilan birga, 2015 yilda tuzilgan G‘arbning Eron bilan yadroviy kelishuvini qayta tiklash bo‘yicha muzokaralar cho‘zilib ketmoqda. Kutilganidek, kelishuv Tehronga eksport hajmini oshirish va jahon bozoriga global neft yetkazib berishni yaxshilash imkonini berishi mumkin.
