Tailand sayyohlar uchun ochilmoqda
Endi niqob taqish yoki taqmaslik ixtiyoriy boʻladi.
Tailand hukumati 1-oktabrdan boshlab koronavirus pandemiyasi tufayli sayyohlarga qo‘yilgan barcha cheklovlarni bekor qilishni rejalashtirmoqda.
1-iyuldan mamlakatga kirish cheklovlari, jumladan, sayohatga chiqishdan oldin “ThailandPass” platformasida ro‘yxatdan o‘tish talabi olib tashlandi. Endi sayyohlar mamlakatga faqat koronavirusga qarshi emlanganlik haqidagi sertifikati bilan kiradilar. Shuningdek, “Sputnik V” va “Sputnik Light” ham tan olinadi. Ular PZR-testidan o‘tishi kerak bo‘lmaydi.
Ma’lumotlarga ko‘ra, sayyohlar niqob taqish yoki taqmaslik borasida o‘zlari qaror qabul qilishlari mumkin bo‘ladi.
