Samarqand deklaratsiyasida nimalar maʼqullandi?
ShHTga aʼzo davlatlar rahbarlari tor va kengaytirilgan tarkibdagi uchrashuvlar yakunlari bo‘yicha sammitning asosiy hujjati — Samarqand deklaratsiyasini maʼqulladi.
To‘plangan asosiy fikrlar:
▪️Shanxay Hamkorlik Tashkilotiga aʼzo davlatlar rahbarlari terrorizmga qarshi kurash bahonasida davlatlar ishlariga aralashishga yo‘l qo‘yilmasligini eʼlon qildi;
▪️Shanxay Hamkorlik Tashkilotiga aʼzo davlatlar rahbarlari butun dunyoda sodir bo‘layotgan terrorchilik harakatlarini qoralab, terrorizmni jilovlantirish, uning tarqalishi uchun sharoitlarni faol ravishda bartaraf etish bo‘yicha ishlarni davom ettirish niyatini bildirdilar;
▪️Afg‘onistondagi vaziyatni tez hal etish Shanxay hamkorlik tashkiloti hududida xavfsizlikni mustahkamlashning eng muhim omillaridan biridir;
▪️Shanxay Hamkorlik Tashkilotiga aʼzo bo‘lgan davlatlar dunyoda yadro qurolini keng tarqatmaslik va yadroviy qurolsizlanishni davom ettirish tarafdori;
▪️SHHTni kengaytirish va xalqaro birlashmalar bilan hamkorlikni chuqurlashtirish mintaqada xavfsizlik va barqarorlikni taʼminlashga xizmat qiladi;
▪️Dunyo hozirda mojarolar va inqirozlarning keskinlashuvi, butun xalqaro vaziyatning xavfli tanazzulga uchrashi bilan kechayotgan global o‘zgarishlarni boshdan kechirmoqda;
▪️SHHTga aʼzo davlatlar koronavirus tarqalishiga qarshi kurashda xalqaro hamkorlikni yana-da mustahkamlash zarurligini taʼkidladilar;
▪️SHHT davlatlari JST tamoyillari va qoidalariga asoslangan ochiq ko‘p tomonlama savdo tizimini mustahkamlaydi, jahon iqtisodiyotiga tahdid soluvchi proteksionistik harakatlar va savdo cheklovlariga qarshi chiqadi;
▪️SHHTga aʼzo davlatlar joriy xalqaro kun tartibiga yaqindan baho berish, yana-da adolatli dunyo tartibi va “insoniyat taqdiri mushtarak hamjamiyat” haqidagi umumiy qarashni shakllantirish tarafdori;
▪️SHHTga aʼzo davlatlar Rossiya Federatsiyasining sanitariya-epidemiologik xarakterdagi favqulodda vaziyatlarni aniqlash va bartaraf etish bo‘yicha muntazam mashg‘ulotlar o‘tkazish tashabbusini qayd etdilar;
▪️Birlashgan Millatlar Tashkiloti Xavfsizlik Kengashi tomonidan qabul qilinganlardan tashqari iqtisodiy sanksiyalarning bir tomonlama qo‘llanilishi xalqaro huquq tamoyillariga mos kelmaydi.
