Pedogoglar zaxirasini shakllantirishda elektron portal ishga tushiriladi
XTV tomonidan bir qator loyihalar amalga oshirilmoqda.
Xalq taʼlimi vazirligi maktab o‘qituvchilari hamda direktorlar portfoliosini yaratish, inson omili aralashmagan reytingini belgilash uchun “Maktab o‘qituvchilari va direktorlari zaxirasini shakllantirish portali” loyihasini amalga oshirmoqda.
Bu borada A.Avloniy nomidagi milliy-tadqiqot instituti tomonidan fanlar bo‘yicha maktab o‘qituvchilari va direktorlar zaxirasini shakllantirish elektron (portal) tizimi yaratilmoqda.
Bunda xalq taʼlimi tizimida faoliyat olib borayotgan rahbar va pedagog kadrlar zaxirasi va o‘qituvchi lavozimiga talabgor kadrlar elektron portfoliosi yaratiladi.
Taʼlim tizimida fanlar, maktablar, hududlar kesimida vakant o‘rinlarining statistikasi aniqlanib, hududlar va fanlar kesimida o‘qituvchilar zaxirasi shakllantiriladi.
