Farg‘onada avtomobil velosipedchini urib yubordi: jabrlanuvchi shifoxonada vafot etdi

Farg‘ona viloyatining Qo‘shtepa tumanida avtomobil velosipedchini urib yuborishi oqibatida yo‘l-transport hodisasi sodir bo‘ldi. Og‘ir tan jarohatlari bilan shifoxonaga yetkazilgan velosipedchi ko‘rsatilgan tibbiy yordamga qaramay vafot etdi.

 

Farg‘ona viloyati IIB JXX YHXB axborot xizmatining ma’lum qilishicha, hodisa 2026-yil 13-noyabr kuni soat 20:40 larda Qo‘shtepa tumani Namuna MFY hududidan o‘tuvchi avtomobil yo‘lining 5-kilometrida yuz bergan.

 

Chery Tiggo 2 Pro rusumli avtomobil haydovchisi yo‘lning belgilanmagan qismidan harakatlanayotgan velosipedchini urib yuborgan.

 

Oqibatda og‘ir tan jarohatlari olgan velosipedchi shifoxonaga olib borilgan. Biroq shifokorlar sa’y-harakatlariga qaramay, uning hayotini saqlab qolishning imkoni bo‘lmagan.

 

Hozirda holat yuzasidan tergovga qadar tekshiruv harakatlari olib borilmoqda.