Qozog‘istonda prezident vakolat muddati uzaytiriladi
Toqayev Konstitutsiyaga kiritilgan o‘zgartirishlarni tasdiqladi.
Qozog‘iston rahbari Qosim-Jomart Toqayev Konstitutsiyaga bir martalik 7 yillik prezidentlik vakolatini joriy etish to‘g‘risidagi o‘zgartirishlarni imzoladi. Bu haqda Prezident matbuot xizmati xabar qildi.
Toqayev joriy yilning 1-sentabr kuni xalqqa murojaat yo‘llab, shu yilning kuzida navbatdan tashqari prezidentlik saylovlarini o‘tkazishni taklif qilgandi. Shu bilan birga, u saylovlardan so‘ng prezidentlik muddatini besh yildan yetti yilgacha, qayta saylanish huquqisiz oshirish tashabbusi bilan chiqqan.
Konstitutsiyadagi o‘zgartirishlarga ko‘ra, endi bir shaxs ketma-ket ikki marta prezidentlikka saylana olmaydi.
Qonun loyihasida poytaxt nomini Nur-Sultondan Ostonaga o‘zgartirish to‘g‘risidagi band ham bor edi. 15-sentabr kuni parlament ushbu qonunni bir ovozdan qabul qilib, imzolash uchun prezidentga yuborgan.
