Italiya elchixonasi o‘z fuqarolarini Rossiyani tark etishga chaqirdi
Avvalroq AQSH va Latviya fuqarolariga murojaat bilan chiqqandi.
Italiyaning Moskvadagi elchixonasi o‘z fuqarolariga mamlakatni takr etishni tavsiya qildi. Bu haqda elchixona rasmiy saytida xabar berildi.
“Rossiya bilan xorijiy davlatlar o‘rtasidagi transport aloqalari bilan bog‘liq qiyinchiliklarni hisobga olib, Rossiyadagi vatandoshlarga zarurat bo‘lmasa, mamlakatni tark etish tavsiya qilinadi”, — deyiladi xabarda.
Ta’kidlanishicha, Rossiyadan Italiya va boshqa mamlakatlarga sayohat chiptalar narxi oshib bormoqda, shuning uchun ularni oldindan xarid qilishi zarur.
