Tesla odamsimon robot yaratdi
U bir qancha vazifalarni bajara oladi.
Amerikalik tadbirkor Ilon Mask “Optimus” nomli odamsimon robotni namoyish etdi. Bu haqda “Korrespondent” nashri yozmoqda.
Qayd etilishicha, hozirda robotda Tesla’ning hisoblagichlari va “avtopilot” texnologiyasidan foydalaniladi. Robot qutilarni olib yurish, jihozlarning qismlarini ajaratib olish va gullarni sug‘orish vazifalarini bajara oladi.
Kompaniyaning ta’kidlashicha, ishlab chiqarish modeli soatiga 8 kilometr tezlikda harakatlana oladi va 20 kilogrammgacha bo‘lgan yuklarni ko‘tara oladi.
Robotning narxi 20 ming dollardan kamroq bo‘lishi aytilmoqda. Ilon Maskning fikricha, uning kompaniyasi millionlab shunday robotlarni ishlab chiqara oladi.
