Samarqanddan qadimgi harbiy istehkom topildi
Uning miloddan avvalgi III-II asrga tegishli ekani aytilmoqda.
Samarqand viloyati Past Darg‘om tumanidan miloddan avvalgi III-II asrga tegishli harbiy istehkom topildi. Bu haqda Madaniy meros agentligi xabar berdi.
Ushbu arxeologik topilma Past Darg‘om tumanning "Do‘stlik" mahallasi hududida joylashgan “Qo‘y tepa” tepaligi o‘rnidan topildi.
Ilmiy qidiruv jarayonida olimlar hududdan qalʼa devorlari, katta ko‘za, kosa, kichik haykalcha, muhr kabi noyob topilmalar topishgan.
Olimlarning taʼkidlashicha, ushbu tarixiy obyekt tashqi dushmanlardan himoyalovchi harbiy istehkom bo‘lgan.
Qayd etilishicha, Past Darg‘om tumani hokimligi tomonidan tepalikni tashqi taʼsir, yomg‘ir, qorlardan himoya qilish uchun tarixiy obyekt ustiga temir panjara o‘rnatilib, usti to‘liq yopiladi.
