Brent nefti narxi 115 dollardan oshdi: narxlar may oyidan beri eng yuqori darajaga chiqdi
Narxlarning ko‘tarilishiga AQSh va Isroilning Eronga qarshi harbiy zarbalarni qayta boshlashi mumkinligi haqidagi xabarlar ham ta’sir ko‘rsatdi.
Brent markali neftning dekabr fyucherslari narxi Londonning ICE birjasidagi savdolarda 1,69 foizga oshib, bir barrel uchun 115,08 dollarga yetdi. Bu ko‘rsatkich 2026-yil may oyi boshidan buyon qayd etilgan eng yuqori narx hisoblanadi.
Brent nefti narxi oxirgi marta 2026-yil 4-may kuni bir barrel uchun 115 dollardan oshgan. Yana bir birja ma’lumotlariga ko‘ra, Londonning ICE Futures birjasida Brent neftining dekabr fyucherslari 1,34 foizga qimmatlashib, bir barrel uchun 114,69 dollarni tashkil etgan. Nyu-Yorkning NYMEX birjasida WTI neftining fyucherslari esa 1,55 foizga oshib, bir barrel uchun 101,01 dollarga yetgan.
Bundan avvalgi savdo kunida Brent nefti 4 foizga, WTI esa 2,4 foizga qimmatlashgan.
Neft narxlarining ko‘tarilishiga AQSh va Isroil qurolli kuchlari noyabr oyida AQSh Kongressiga oraliq saylovlar o‘tkazilganidan keyin Eronga qarshi harbiy zarbalarni qayta boshlash rejalarini ishlab chiqqani haqidagi OAV xabarlari ham ta’sir ko‘rsatgan.
