Ilon Mask Ukraina bo‘yicha fikrini o‘zgartirdi
Avvalroq u mamlakatdagi “Starlink” kompaniyasini moliyalashdan bosh tortgandi.
Ilon Mask Twitterdagi sahifasida hali ham Ukrainaga moliyaviy yordam ko‘rsatishni davom ettirishga tayyorligi haqida ma’lum qildi.
“Garchi “Starlink” hali ham pul yo‘qotayotgan bo‘lsa ham va boshqa kompaniyalar milliardlab dollarlarini olayotgan bo‘lsa ham, biz Ukraina hukumatini moliyalashtirishda davom etamiz”, — deb yozgan Mask.
Eslatib o‘tamiz, 14-oktyabr kuni Mask Ukrainadagi “Starlink” kompaniyasini moliyalashdan bosh tortishga qaror qilgani xabar qilingandi.
Oktyabr oyi boshida Mask Ukraina va Rossiya o‘rtasidagi “tinchlik” bo‘yicha o‘zining formulasini taklif qilgan. U bahsli hududlarda BMT nazorati ostida referendumlar o‘tkazish, Qrimdan voz kechish va neytral maqomni taklif qilgan.
