Avstriya Yevroittifoqqa qarshi
Vena ukrainalik askarlarni o‘qitmoqchi emas.
Avstriya Yevropa ittifoqining ukrainalik harbiylar uchun mashg‘ulot missiyasini yoqlashini, ammo unda qatnashmasligini e’lon qildi. Bu haqda mamlakat TIV Aleksandr Shallenberg Lyuksemburgdagi YeI tashqi ishlar vazirlari yig‘lishida e’lon qildi.
YeI mashg‘ulot missiyasi noyabr o‘rtalarida boshlanadi.
Vazir bu missiyani YeI kuchlarini birlashtirish va ukrainalik harbiylar tayyorgarligini oshirishda maqsadga muvofiq deb baholadi va kelajakda unda qatnashishni istisno qilmasligini bildirdi.
Shuningdek u Avstriya neytral davlat bo‘la turib Ukrainani qo‘llab-quvvatlashda davom etishini, ammo bu gumanitar yordam bo‘lishini aytdi.
Oldin xabar qilganimizdek, Yevroittifoq davlatlari Ukraina qurolli kuchlarining 15 ming askarini tayyorlash bo‘yicha kelishuvga erishgan.
