Rossiyadan Belarusga jangovor texnika yuboriladi
Bu bo‘yicha ikki davlat rahbarlari kelishib olgan.
Rossiyadan Belarusga 170 ga yaqin tank, 200 ta jangovar texnika, 100 tagacha qurol va minomyotlar mintaqaviy guruh tarkibida foydalanish uchun keltiriladi. Bu haqda mamlakat Mudofaa vazirligining xalqaro harbiy hamkorlik bo‘limi boshlig‘i Valeriy Revenko ma’lum qildi.
11-oktyabr kuni Rossiya prezidenti Vladimir Putin va Belarus prezidenti Aleksandr Lukashenko “Ittifoq davlatining g‘arbiy chegaralarida” qo‘shma mintaqaviy qo‘shinlar guruhini joylashtirishga kelishib oldi.
16-oktyabr kuni Belarus Mudofaa vazirligi rahbari mamlakatga 9 mingga yaqin rus askari kelishini ma’lum qilgandi. 15-oktyabr kuni rossiyalik harbiy xizmatchilar bilan birinchi eshelon Belarusga yetib keldi. Shuningdek, Rossiya aviasiyasi mamlakatga kela boshladi.
