Indoneziyada dori-darmonlar sotish to‘xtatildi
O‘tgan hafta yo‘tal siropi tufayli 70 nafar bola halok bo‘lgandi.
Indoneziyada 100 ga yaqin bolaning o‘limidan so‘ng mamlakada barcha turdagi sirop va suyuq dori-darmonlarni sotish to‘xtatildi.
O‘tgan haftada Gambiyada yo‘tal siropi 70 ga yaqin bolaning o‘limiga sabab bo‘lgandi. Yil boshidan beri esa qurbonlar soni 99 taga yetgan. Epidemiologlarning aytishicha, haqiqiy o‘lim soni xabar qilinganidan ham yuqori bo‘lishi mumkin.
Dori xorijiy yoki mahalliy ishlab chiqaruvchilarga tegishli ekani hozircha aniqmas.
Shu oy boshida Jahon sog‘liqni saqlash tashkiloti Gambiyada deyarli 70 bolaning o‘limi bilan bog‘liq bo‘lgan to‘rtta yo‘tal siropi haqida global ogohlantirish e’lon qildi.
JSST Hindiston farmasevtika kompaniyasi tomonidan ishlab chiqarilgan siroplarda diyetilen glikol va etilen glikolning “qabul qilib bo‘lmaydigan miqdori” borligini aniqladi. Tashkilotning ta’kidlashicha, siroplar o‘tkir buyrak shikastlanishiga olib keladi.
Indoneziya Sog‘liqni saqlash vaziri xuddi shu kimyoviy birikmalar ba’zi mahalliy dorilarda ham topilganligini aytdi.
