Biri sotishga, biri sotib olishga shoshmoqda
Gap Ilon Mask va Twitter haqida ketmoqda.
Bloomberg maʼlumotlariga ko‘ra, Ilon Mask va Twitter jamoalari ijtimoiy tarmoqni shu oy oxirigacha 44 milliard dollarga sotib olish bo‘yicha kelishuvga erishish uchun qattiq ishlamoqda.
Agentlik manbalariga ko‘ra, har ikki tomonning bankirlari va advokatlari sud tomonidan belgilangan sana – 28-oktabrgacha bitim uchun hujjatlarni faol ravishda tayyorlamoqda. Tomonlar o‘rtasidagi bir necha oylik ziddiyatdan so‘ng muzokaralar samimiy o‘ta boshlagan.
25-aprel kuni Mask va Twitter rahbariyati ijtimoiy tarmoqni 44 milliard dollarga sotish bo‘yicha kelishuvga erishdi, biroq may oyi o‘rtalarida biznesmen Twitter proporsiya haqidagi vaziyatga oydinlik kiritmagunicha, kelishuvda boshqa harakat bo‘lmasligini aytdi.
8-iyul kuni Mask Twitter‘ni shartnoma shartlarini buzganligi sababli sotib olish bo‘yicha kelishuvdan chiqayotgani haqida xabardor qildi. Keyin Twitter rahbariyati ijtimoiy tarmoqni sotib olish bo‘yicha kelishuvni yakunlash uchun milliarderni sudga berdi.
