Ilon Mask Twitter'ni sotib olsa, kompaniya xodimlarining 75 foizini qisqartiradi
Hozirda ijtimoiy tarmoqda 7 500 nafar xodim ishlashi aytilmoqda.
Euronews xabariga ko‘ra, Tesla kompaniyasi rahbari Ilon Mask Twitter'ni sotib olsa, kompaniya xodimlarining 75 foizi ishdan bo‘shatilishini maʼlum qildi.
The Washington Post gazetasi o‘z manbalari va hujjatlariga tayanib, kompaniyani kim sotib olsa, kelasi oylarda ishchilar soni va ish haqining qisqarishiga duch kelishini aytdi.
Ijtimoiy tarmoq, shuningdek, infratuzilmasini, xususan, maʼlumotlar markazlarini qisqartirmoqda.
Nashr maʼlumotlariga ko‘ra, Twitter'da hozirda 7500 nafar xodim ishlaydi. Ilon Maskning rejasi amalga oshsa, kompaniyada 2 mingga yaqin ishchi qoladi. Twitter o‘z xodimlarini qisqartirishi haqidagi xabarlarni rad etmoqda.
Mask aprel oyida ijtimoiy tarmoqni 44 milliard dollarga sotib olmoqchi ekanligini maʼlum qilgan. May oyida esa kompaniyadan soxta akkauntlar haqida maʼlumot ololmagan tadbirkor kompaniyani sotib olishdan bosh tortishini maʼlum qildi. O‘shanda Twitter Maskni sudga bergan edi. Oktabr oyi boshida Mask muzokaralarni davom ettirdi. Sud unga sotib olish shartnomasini yakunlash uchun 28 oktabrgacha vaqt berdi.
