Zelenskiy 13 nafar xorij siyosatchilarini taqdirladi
Ular orasida Nensi Pelosi ham bor.
Ukraina Prezidenti Vladimir Zelenskiy Kiyevning hamkor davlatlari parlamentlari spikerlarini ikkinchi darajali knyaz Yaroslav Donishmand ordeni bilan taqdirladi.
Mukofotlanganlar ro‘yxatidan 13 kishi, jumladan, AQSh Kongressi Vakillar palatasi spikeri Nensi Pelosi, Estoniya parlamenti spikeri Yuri Ratas, Fransiya parlamenti senati raisi Jerar Larsher, Polsha parlamenti har ikki palatasining raislari, Irlandiya parlamenti Senati (yuqori palatasi) spikeri, Shveysariya, Germaniya, Norvegiya, Shimoliy Makedoniya, Latviya, Litva va Xorvatiya qonun chiqaruvchi organlari palatalari rahbarlari o'rin olgan.
Farmonda keltirilishicha, ular “davlatlararo hamkorlikni mustahkamlashdagi salmoqli shaxsiy xizmatlari, Ukrainaning davlat suvereniteti va hududiy yaxlitligini qo‘llab-quvvatlaganliklari, Ukraina davlatini dunyoda ommalashtirishga qo‘shgan salmoqli hissasi uchun” taqdirlangan.
Avvalroq Zelenskiy 109 nafar xorijiy siyosatchi, aktyor, musiqachi, jamoat arbobi, tadbirkor va jurnalistni orden, medal va nishonlar bilan taqdirlagan edi. Ular orasida Yevropa Komissiyasi Prezidenti Ursula fon der Lyayen, Yevropa diplomatiyasi rahbari Jozep Borrel, AQSh Davlat kotibi Entoni Blinken, Pentagon rahbari Lloyd Ostin, biznesmen Xovard Baffet bor.
