Endi 35 yoshgacha bo‘lganlar Yosh hisoblanadi
Bu bo‘yicha qonun loyiha maʼqullandi.
Qozog‘iston Respublikasi Parlamenti Majilisining yalpi majlisida «Qozog‘iston Respublikasining ayrim qonun hujjatlariga yoshlarga oid davlat siyosati masalalari bo‘yicha o‘zgartish va qo‘shimchalar kiritish to‘g‘risida»gi qonun loyihasi ikkinchi o‘qishda maʼqullandi.
«Qonun loyihasi yoshlarga oid davlat siyosati sohasini takomillashtirish, jamoatchilik munosabatlarini har tomonlama tartibga solishning samarali huquqiy asoslarini shakllantirish, aholi bandligini taʼminlash, yoshlar kamoloti uchun qulay shart-sharoit yaratishga qaratilgan. Qonun loyihasi bilan ishlash jarayonida deputatlar “yoshlar” tushunchasining yosh chegarasini 29 yoshdan 35 yoshgacha oshirishga qaratilgan o‘zgartirish kiritdi. Bu yoshlarning ijtimoiy faolligini oshirishga xizmat qilmoqda. Mahalliy ijro hokimiyati organlariga uy-joylarni yoshlarga imtiyozli shartlarda ijaraga berish dasturini ishlab chiqish va amalga oshirish bo‘yicha yangi vakolatlar berishga qaratilgan o‘zgartirishlar kiritildi», — dedi deputat Jamila Nurmanbetova.
