“Gʻalla kelishuvi”dan chiqib ketgan Moskva BMT Xavfsizlik kengashi yig‘ilishini chaqirmoqchi
Rossiya tomoni Sevastopolga uyushtirilgan dronlar hujumini muhokama qilish niyatida.
Rossiya 31-oktyabr kuni o‘zining Qora dengiz floti kemalariga uyushtirilgan hujum yuzasidan BMT Xavfsizlik kengashi yig‘ilishini chaqiryapti. Bu haqda RFning tashkilotdagi doimiy vakilining birinchi o‘rinbosari Dmitriy Polyanskiy ma’lum qildi.
“29-oktyabrda Ukrainaning Qora dengiz flotidagi g‘alla tashiyotgan kemalar xavfsizligini ta’minlayotgan harbiy kemalarga uyushtirgan hujumi ortidan doimiy vakillik BMT Bosh kotibini Rossiyaning “Qora dengiz tashabbusi”dagi ishtirokini to‘xtatganini e’lon qiladi”, – degan diplomat.
Bugun Moskva 22-iyulda erishilgan “g‘alla kelishuvi”dan chiqib ketganini e’lon qildi. Bunga Sevastopolga uyushtirilgan dronlar hujumi sabab qilib ko‘rsatilgan.
Eslatib o‘tamiz, 1-avgust kuni Qora dengiz orqali Ukraina g‘allasi eksporti tiklangan edi.
