1-yanvardan o‘qituvchilar maoshi 25 foiz oshadi
Shuningdek, malakali kadrlar tayyorlash va ularning malakasini oshirish maqsadida yangi “Pedagog” professional standarti joriy etiladi.
Qozog‘istonda malakali kadrlar tayyorlash va ularning malakasini oshirish maqsadida yangi “Pedagog” professional standarti joriy etiladi. Bu haqda Hukumat yig‘ilishida mamlakat taʼlimini 2026 yilgacha rivojlantirish konsepsiyasini muhokama qilish chog‘ida taʼlim vaziri Asxat Aymag‘ambetov maʼlum qildi.
«Ayni paytda «Pedagoglar maqomi to‘g‘risida»gi qonunning ijobiy taʼsirini ko‘ryapmiz. Prezident tashabbusi bilan o‘qituvchilarning ish haqi oshirildi va 2023 yil yanvar oyidan boshlab yana 25 foizga oshiriladi. Bundan tashqari, o‘qituvchilarning kasbiy mahoratini oshirishga alohida eʼtibor qaratilmoqda. 2021 yildan boshlab o‘qituvchilik kasblarini sertifikatlash joriy etildi», — dedi A. Aymag‘ambetov.
Bundan tashqari, u o‘qituvchilar malakasi endi 5 yilda bir marta emas, 3 yilda bir marta oshirilishini eslatdi.
Vazirning qo‘shimcha qilishicha, direktorlarning kadrlar zaxirasi shakllantiriladi, taʼlim tashkilotlari direktorlarini rotatsiya qilish mexanizmini amalga oshirish davom ettiriladi.
