0
Mask Twitter’ni deb Tesla’dan voz kechmoqda
U yana Tesla aksiyalarini sotdi.
Amerikalik biznesmen Ilon Mask yana Tesla aksiyalarining bir qismini umumiy qiymati qariyb 4 milliard dollarga sotdi. Bu haqda “The Wall Street Journal” xabar berdi.
Qayd etilishicha, Mask Twitter’ni sotib olganidan keyin bir hafta o‘tgach, Tesla’ning 3,95 milliard dollarlik 19,5 million dona aksiyasini sotgan. Investorlarning aytishicha, u Twitter’ni sotib olganidan keyin elektromobil biznesiga yetarlicha e’tibor bermayapti.
Avvalroq Ilon Maskning boyligi Tesla aksiyalari qiymatining pasayishi tufayli 200 milliard dollardan kamaygani xabar qilingandi. U Twitter’ni sotib olishini e’lon qilganidan beri 70 milliard dollar yo‘qotgan.
