0
Maldiv orollaridagi yong‘inda 10 kishi halok bo‘ldi
Hodisa muhnat muhojirlari yashagan binoda yuz bergan.
Payshanba kuni Maldiv orollari poytaxti Male shahridagi garajda yuz bergan yong‘in oqibatida kamida o‘n kishi halok bo‘ldi. Bu haqda mahalliy OAV ma’lum qildi.
Yonib ketgan garaj binoning birinchi qavatida joylashgan, ikkinchi qavatida mehnat muhojirlari yashagan. Polisiyaning aytishicha, ular Bangladesh, Hindiston va Shri-Lankadan kelgan.
Olovni o‘chirish uchun o‘t o‘chiruvchilarga bir necha soat kerak bo‘ldi. O‘t o‘chirish va qutqaruv xizmatining ma’lum qilishicha, binodan 28 kishi evakuasiya qilingan, 10 kishi halok bo‘lgan.
Rasmiylarning aytishicha, qurbonlarning jasadlari qattiq kuygan, bu esa shaxsini aniqlashni qiyinlashtirdi.
