Maktablarda "Yo‘l harakati xavfsizligi" xonalari tashkil qilinadi
Bu haqda Abdulla Avloniy nomidagi milliy-tadqiqot instituti maʼlum qildi.
Umumtaʼlim maktablarida yo‘l harakati qoidalarini o‘rgatuvchi alohida sinfxonalari tashkil etiladi. Bu haqda Abdulla Avloniy nomidagi milliy-tadqiqot instituti xabar berdi.
Ichki ishlar vazirligining Jamoat xavfsizligi departamenti Yo‘l harakati xavfsizligi xizmati Abdulla Avloniy nomidagi milliy-tadqiqot institutida malaka oshirayotgan maktab direktorlari uchun seminar tashkil etdi.
Unda 2023 yildan boshlab umumtaʼlim maktablarida joriy etilishi mo‘ljallanayotgan "Yo‘l harakati xavfsizligi xonasi" va "Yo‘l harakati qoidalarini o‘rgatuvchi maydon" eskiz loyihalari namoyish etildi.
“Mazkur loyihalarda maktab o‘quvchilarida yoshlikdan yo‘l harakati ko‘nikmalarini shakllantirish va bu orqali turli noxush holatlarning oldini olish ko‘zda tutilgan”, deyiladi xabarda.
