Qirg‘iziston elchisi: “Mir” kartalariga xizmat ko‘rsatilishining to‘xtab qolishi vaqtinchalik
Hozirda 13 ta qirg‘iz banklari Rossiya to‘lov kartalari bilan amaliyotlarni o‘tkazmayapti.
Qirg‘iz banklari tomonidan Rossiyaning “Mir” kartalariga xizmat ko‘rsatishni to‘xtalishi vaqtinchalik hisoblanadi. bu haqda Qirg‘izistonning Moskvadagi elchisi Gulnora-Klara Samat maʼlum qildi.
RIA-Novosti” bilan suhbatda diplomat ushbu masala siyosiy muammolar bilan bog‘liq emasligini, gap texnik tomonda ekanini taʼkidlagan.
“Katta jarayonlar yuz bermoqda, Fikrimcha, bu vaqtinchalik. Moliya dunyosidagi insonlar qandaydir yechim topishadi”, – degan elchi.
Oktyabr oyidan boshlab qirg‘iz banklari “Mir” kartalariga xizmat ko‘rsatishni to‘xtatdi. Hozirda respublikaning 13 bankida bu jarayon to‘xtatib qo‘yilgan. Tahlilchilar bu AQSH ikkilamchi sanksiyalariga tushib qolish bilan bog‘liq xavotirlar sababli yuz berganini aytmoqda.
