Talabalar uchun mahalliy aviaqatnovlarda chegirma eʼlon qilindi
Chegirmalar Yangi yil bayrami kunlari — 22-dekabrdan 10-yanvargacha amalga oshiriladigan parvozlar uchun amal qiladi.
Uzbekistan Airways Yangi yil taʼtili kunlarida talabalar uchun mahalliy aviaqatnovlarda 50% chegirma eʼlon qildi.
Chegirmalar Yangi yil bayrami kunlarida - 22 dekabrdan 10 yanvargacha amalga oshiriladigan parvozlar uchun amal qiladi.
Xabarda aytilishiga ko‘ra, ushbu chegirmalar boshqa shahar OTMlarida tahsil olayotgan talabalar qishki taʼtilni oilasi bilan o‘tkazish imkoniyatini berish maqsadida taqdim etmoqda.
«Chegirmali chipta sotib olish uchun Uzbekistan Airways Sales filialiga yoki hududingizdagi aeroport aviakassasiga kelib, talabalik guvohnomasi, o‘qish joyidan maʼlumotnoma va pasport yoki ID-kartani taqdim etish kifoya», — deyiladi xabarda.
