Ilon Mask “kambag‘allashish”da davom etmoqda: 2022 yilda u 100 milliard dollar yo‘qotgan
Shu bilan birga u sayyoraning eng boy odami bo‘lib qolmoqda.
Ilon Mask 2022 yilda jami 100 milliard dollardan ortiq mablag‘ yo‘qotdi. Bu haqda Bloomberg xabar berdi.
Agentlik maʼlumotlariga ko‘ra, tadbirkor boshqa milliarderlarga qaraganda ko‘proq boyligidan ayrilgan. Dushanba kuni u 8.6 milliard dollar yo‘qotgan. Bunga Tesla kompaniyasi aksiyalari narxining so‘nggi ikki yildagi eng past ko‘rsatkichga tushib ketgani sabab bo‘lgan.
Shu bilan birga u hamon 169.8 milliard dollarlik boylikka egalik qilmoqda va sayyoraning eng boy odami maqomini saqlab qolgan.
