Isroillik ayol marhum eri ustidan sudga murojaat qildi
U erining vasiyatidan darg‘azab bo‘lib, shunday yo‘l tutgan.
Isroillik erkak 40 yildan beri birga yashamayotgan ayoliga eng mayda tanga - 10 agor (327 so‘m) vasiyat qoldirdi.
Marhum erining qaroridan darg‘azab bo‘lgan ayol sudga murojaat qildi. Gap shundaki, 1950 yilda oila qurgan juftlik 23 yil birga yashagan, ammo so‘nggi 40 yil alohida yashagan. Shunga qaramay, erkak ayoliga muntazam pul yuborib turgan. Ammo o‘limidan so‘ng u xotiniga 10 agor meros qoldirgan.
Ayol sudga ariza qilib erining mol-mulkiga haqqi borligini isbotlashga urindi. Sud juftlik rasman ajrashmagan bo‘lsada, ularning hayot tarzini birgalikda mol-mulk ortirishga kirmasligini aytib, ayolning arizasini qoniqtirmadi.
Shunday qilib, meros ilinjidagi ayol nafaqat merossiz qoldi, balki sud xarajatlari uchun 35 000 shekel (qariyb 115 mln so‘m)ga tushdi.
