«Maymun chechagi» nomi o‘zgardimi?
Bu haqda JSST maʼlum qildi.
Jahon sog‘liqni saqlash tashkiloti maymun chechagi (monkeypox) nomini o‘zgartirganini maʼlum qildi.
Bundan buyon ushbu kasallik mpox (monkeypox qisqartmasi) deb ataladi. Qayd etilishicha, ushbu nom ingliz tili bilan birga, boshqa tillarda ham qo‘llaniladi.
Eski nom («maymun chechagi») baʼzida irqiy va kamsitish maqsadlarida qo‘llanilgani uchun ham tashkilot kasallikni qayta nomlagan.
Maʼlumot o‘rnida, mpox — xavfli virusli kasallik bo‘lib, shu yil qator mamlakatlarda tarqalgan edi.
